ശ്രീ രാം ചാലീസ

ആദിയിൽ ശ്രീരാമന്റെ തപോവനത്തിലേക്കുള്ള ഗമനം, സ്വർണ്ണമൃഗത്തെ വധിക്കൽ, വൈദേഹിയുടെ അപഹരണം, ജടായുവിന്റെ മരണം, സുഗ്രീവനുമായുള്ള സംഭാഷണം, ബാലിയുടെ നിഗ്രഹം, സമുദ്രലംഘനം, ലങ്കാദഹനം, പിന്നീട് രാവണന്റെയും കുംഭകർണ്ണന്റെയും വധം — ഇതാണ് രാമായണം.

ശ്രീ രഘുവീരാ, ഭക്തരുടെ ഹിതകാരിയേ, എന്റെ ഈ അപേക്ഷ ശ്രവിച്ചരുളണമേ.

രാപകൽ ആരെങ്കിലും അങ്ങയെ ധ്യാനിക്കുന്നുവോ, അദ്ദേഹത്തിനു തുല്യനായ മറ്റൊരു ഭക്തനില്ല.

ശിവജീ മനസ്സിൽ അങ്ങയെ ധ്യാനിക്കുന്നു; ബ്രഹ്മാവിനും ഇന്ദ്രനും അങ്ങയുടെ പരമത്വം ഗ്രഹിക്കുവാൻ കഴിയുന്നില്ല.

ജയ, ജയ, ജയ രഘുനാഥാ, കൃപാലോ! സദാ സന്തന്മാരെ സംരക്ഷിച്ചരുളണമേ.

അങ്ങയുടെ ദൂതൻ ശൂരനായ ഹനുമാനാണ്; മൂന്നു ലോകങ്ങളിലും അദ്ദേഹത്തിന്റെ പ്രഭാവം അറിയപ്പെടുന്നു.

കൃപാലോ, അങ്ങയുടെ ഭുജദണ്ഡം പ്രചണ്ഡമായിരിക്കുന്നു; രാവണനെ വധിച്ച് ദേവന്മാരെ രക്ഷിച്ചു.

അങ്ങ് അനാഥന്മാരുടെ നാഥനും ദീനന്മാർക്ക് എന്നും സഹായിയുമാണ്, ഗോസായീ.

ബ്രഹ്മാവ് തുടങ്ങിയവർക്കും അങ്ങയുടെ പരമത്വം അറിയുവാൻ കഴിയുന്നില്ല; അവർ എപ്പോഴും അങ്ങയുടെ യശസ്സ് പാടുന്നു.

നാലു വേദങ്ങളും സാക്ഷികളാണ്; അങ്ങ് ഭക്തന്മാരുടെ ലജ്ജ കാത്തുരക്ഷിച്ചു.

സരസ്വതി മനസ്സിൽ അങ്ങയുടെ ഗുണങ്ങളെ പാടുന്നു; ദേവേന്ദ്രനും അവയുടെ അന്തം കാണുന്നില്ല.

ആരെങ്കിലും അങ്ങയുടെ നാമം ഉച്ചരിക്കുന്നുവോ, അദ്ദേഹത്തെക്കാൾ ധന്യൻ മറ്റാരുമില്ല.

രാമന്റെ നാമം അപരിമിതമാണ്; നാലു വേദങ്ങളും അതിനെ വാഴ്ത്തുന്നു.

ഗണപതി അങ്ങയുടെ നാമം സ്വീകരിച്ചു; അങ്ങ് അദ്ദേഹത്തെ ആദ്യപൂജ്യനാക്കി.

ശേഷൻ നിത്യവും അങ്ങയുടെ നാമം ജപിക്കുന്നു; അദ്ദേഹം ഭൂമിയുടെ ഭാരം ശിരസ്സിൽ വഹിക്കുന്നു.

ആ ഭാരം പുഷ്പം പോലെ ലഘുവായിത്തീരുന്നു; അങ്ങയുടെ പരിമിതി ആർക്കും അറിയുവാൻ കഴിയുന്നില്ല.

ആരെങ്കിലും അങ്ങയുടെ ‘ഭരത’ എന്ന നാമം ഹൃദയത്തിൽ ധരിക്കുന്നുവോ, അയാൾ യുദ്ധതതിൽ ഒരിക്കലും പരാജയപ്പെടുന്നില്ല.

‘ശത്രുഘ്ന’ എന്ന നാമം ഹൃദയത്തിൽ പ്രകാശിക്കുന്നു; അതു സ്മരിക്കുമ്പോൾ ശത്രുക്കൾ നശിക്കുന്നു.

ലക്ഷ്മണൻ അങ്ങയുടെ ആജ്ഞാകാരിയാണ്; അദ്ദേഹം എപ്പോഴും സന്തന്മാരുടെ സംരക്ഷണം ചെയ്യുന്നു.

അതിനാൽ യുദ്ധതതിൽ അദ്ദേഹംഎ ആർകും ജയിക്കുവാൻ കഴിയുന്നില്ല; യമൻ പോലും യുദ്ധത്തിൽ അദ്ദേഹത്തോടു കിടക്കു വാൻ കഴിയുന്നില്ല.

മഹാലക്ഷ്മി അവതാരം ധരിച്ചു; എല്ലാ വിധത്തിലും പാപത്തിനെ ഭസ്മമാക് ിയ്ക്കുന്നു.

പുനീതയായ സീതയെ പാടി; അവർ ഭുവനേശ്വരീയുടെ പ്രഭാവം കാണിച്ചു.

അവർ അഗ്നിയിൽ നിന്നും പ്രത്യക്ഷയായി വന്നു; അവരെ കണ്ടിട്ട് ചന്ദ്രൻ ലജ്ജിക്കുന്നു.

അവർ എപ്പോഴും അങ്ങയുടെ പാദങ്ങളെ തടവുന്നു; നവനിധികൾ അങ്ങയുടെ ചരണങ്ങളിൽ ഉരുളുന്നു.

അഷ്ടാദശ സിദ്ധികൾ മംഗളകരങ്ങളാണ്; അവയെല്ലാം അങ്ങയ്ക്കായി ഞാൻ സമർപ്പിക്കുന്നു.

മറ്റുള്ള അനേകം പ്രഭുത്വങ്ങളും, സീതാപതേ, അങ്ങ് തന്നെ സൃഷ്ടിച്ചവയാണ്.

അങ്ങയുടെ ഇച്ഛയാൽ കോടിക്കണക്കിന് ലോകങ്ങളെ സൃഷ്ടിക്കാൻ ഒരു നിമിഷം പോലും വേണ്ടിവരുന്നില്ല.

അങ്ങയുടെ ചരണങ്ങളിൽ മനസ്സ് ഉറപ്പിക്കുന്നവന് മോക്ഷം തീർച്ചയായും ലഭിക്കും.

ശ്രീരാമാ, കേൾക്കണമേ; അങ്ങ് ഞങ്ങളുടെ പിതാവാണ്. ഭരതകുലപൂജ്യനായി അങ്ങ് പ്രഖ്യാപിക്കപ്പെട്ടിരിക്കുന്നു.

അങ്ങ് ഞങ്ങളുടെ കുലദൈവവും ദേവനുമാണ്; അങ്ങ് ഗുരുദേവനും പ്രാണനു പ്രിയപ്പെട്ടവനുമാണ്.

രാജാവേ, എന്തെല്ലാമുണ്ടോ അതെല്ലാം അങ്ങ് തന്നെയാണ്. ജയം, ജയം, ജയം; പ്രഭോ, ഞങ്ങളുടെ മാനം കാത്തുകൊള്ളണമേ.

രാമാ, ആത്മാവിനെ പോഷിപ്പിക്കുന്നവനേ, ജയം ജയം ജയം; ദശരഥന്റെ പ്രിയപുത്രാ.

ജയം ജയം ജയം, പ്രഭോ, ജ്യോതിസ്സ്വരൂപനേ; നിർഗുണബ്രഹ്മമേ, അഖണ്ഡനേ, അനുപമനേ.

സത്യം, സത്യം, ജയം; സത്യവ്രതനായ സ്വാമീ, സത്യസനാതനനായ അന്തര്യാമീ.

അങ്ങയുടെ സത്യമായ ഭജനം ആര് ഗാനം ചെയ്യുന്നുവോ, അവന് നിശ്ചയമായും ധർമാർത്ഥകാമമോക്ഷം എന്ന നാലു ഫലങ്ങളും ലഭിക്കും.

ഗൗരീപതിയായ ശിവൻ സത്യശപഥം ചെയ്തു; അങ്ങ് ഭക്തന് സകല സിദ്ധികളും നൽകി.

ജ്ഞാനം ഹൃദയത്തിൽ നൽകുന്നവനേ, ജ്ഞാനസ്വരൂപനേ, നമസ്കാരം നമസ്കാരം, ജയമുണ്ടാകട്ടെ, ജപത്തിന്റെ നാഥനേ, രാജാവേ.

ധന്യൻ ധന്യൻ, നീ ധന്യനാണ് നിന്റെ പ്രതാപത്താൽ; നിന്റെ നാമം സകല സന്താപങ്ങളെയും നീക്കുന്നു.

സത്യവും പരിശുദ്ധവുമായ ഈ സ്തുതി ദേവന്മാരുടെ മുഖത്തുനിന്ന് ആലപിക്കപ്പെട്ടു; ദുന്ദുഭികൾ മുഴങ്ങി, ശംഖ് ഊതപ്പെട്ടു.

സത്യം സത്യം, നീ സനാതന സത്യമാകുന്നു; നീ തന്നെയാണ് ഞങ്ങളുടെ ശരീരവും മനസ്സും ധനവും.

ഇതിനെ പാരായണം ചെയ്യുന്ന ഏതൊരുവനും, അവന്റെ ഹൃദയത്തിൽ ജ്ഞാനം പ്രകടമാകുന്നു.

അവന്റെ ജന്മമരണചക്രം നശിക്കുന്നു; എന്റെ ശിവനേ, ഇത് സത്യവചനമായി സ്വീകരിക്കേണമേ.

ആരെങ്കിലും മനസ്സിൽ ആശ കൊണ്ടുവന്ന് തുളസീദളവും പുഷ്പങ്ങളും അർപ്പിക്കുന്നുവോ,

ഇലക്കറികൾ ഭോഗമായി സമർപ്പിക്കുന്നുവോ, ആ മനുഷ്യൻ സകല സിദ്ധികളെയും പ്രാപിക്കുന്നു.

അന്ത്യകാലത്ത് രഘുവരന്റെ (ശ്രീരാമന്റെ) പുരിയിലേക്ക് പോകുന്നു; അവിടെ ജനിക്കുന്നത് ഹരിഭക്തൻ എന്ന് വിളിക്കപ്പെടുന്നു.

ശ്രീഹരിയുടെ ദാസൻ പറയുകയും പാടുകയും ചെയ്യുന്നു; അവൻ വൈകുണ്ഠധാമത്തെ പ്രാപിക്കുന്നു.

ഏഴുദിവസം നിയമത്തോടെ ഏകാഗ്രചിത്തനായി പാരായണം ചെയ്യുന്നവൻ, ഹരിദാസാ, ഹരികൃപയാൽ അവശ്യം ഭക്തിയെ പ്രാപിക്കുന്നു.

രാമചാലീസ വായിക്കുന്നവൻ രാമചരണങ്ങളിൽ മനസ്സുറപ്പിച്ച്, മനസ്സിൽ എന്ത് ആഗ്രഹമുണ്ടോ, അതെല്ലാം സിദ്ധമായിത്തീരുന്നു.